Славниот актер Кристофер Лојд (87) ги разнежи своите следбеници со објава со 32 години помладата сопруга, Лиса Лојаконо. Иако „само“ го честиташе Денот на вљубените, во таа прилика ги потсети сите на својата љубовна приказна и покажа дека и понатаму се вљубени и покрај разликата во годините.

„Тоа е најслатката љубов. Мојот Ден на вљубените“, напиша во описот.

Необична љубовна приказна

Лојд го засакавме во остварувањето „Back to the Future“, но и неговиот приватен живот е прилично интересен.

Романсата со Лиса ја започнал во 2012 година, и тоа така што ја продавал својата куќа во Монтесито, а таа била агент за недвижности. На почетокот се труделе да одржуваат професионален однос, но набргу се развиле чувства.

Веќе четири години подоцна решиле да се венчаат и денес уживаат во љубовта. Овој пар на многумина им е интересен и поради фактот што Лиса и поранешната сопруга на Лојд се дружат, а најмногу се зближиле за време на пандемијата на коронавирусот.

Кристофер Лојд се женел дури пет пати, но изгледа дека овој петти брак, со Лиса, е конечен и за цел живот.