„Спротивно на она што некои го велат, Европа не е во пад на цивилизацијата“, рече Калас, додавајќи дека критикувањето на Европа станало модерно во некои политички кругови.
Шефицата за европска надворешна политика, Каја Калас, во неделата ги отфрли обвинувањата на Соединетите држави дека Европа е во пад и наместо тоа го прикажа стариот континент како „чувар на стандардите на слободата и напредокот“.
Зборувајќи на последниот ден од Минхенската безбедносна конференција, Калас рече дека Европејците имаат „одличен животен стандард“ на кој луѓето ширум светот завидуваат. Како доказ за ова, таа ги презентираше резултатите од анкетата според која 40 отсто од Канаѓаните би сакале да се приклучат кон Европската унија.
Нејзините изјави се одговор на обвинувањата од новата американска стратегија за национална безбедност во која се наведува дека Европа е во „цивилизациски пад“ поради миграцијата, културолошките и религиозните промени и падот на стапката на наталитет. Во документот се вели дека Европа би можела да биде „непрепознатлива“ за дваесет години.
„Спротивно на она што некои го велат, Европа не е во пад на цивилизацијата“, рече Калас, додавајќи дека критикувањето на Европа станало модерно во некои политички кругови.
Поранешната естонска премиерка презентираше податоци што покажуваат дека нејзината земја е втора по слобода на печатот според индексот на Reporters sans frontières (RSF).
„Интересно е што земја која е 58-ма на таа листа нè критикува“, рече Калас мислејќи се на САД.
За волја на вистината, според најновиот индекс за 2025 година, САД се 57-ми на листата на земјите предводени од Норвешка.
