Иако има 50 години, многумина мислат дека е во триесеттите, а таа тврди дека тајната е во редовното бричење на лицето.

Ракел, креаторка на лајфстајл содржини, на социјалните мрежи споделила како го одржува тенот чист и младешки. „Имам 50 години. Го бричам лицето веќе 25 години и НЕ, влакненцата не ми растат подебели“, напишала таа во објавата, одговарајќи на честите претпоставки за нејзините години.

Методата и предностите на бричењето

Таа објаснила дека лицето го бричи еднаш до двапати месечно, при што користи средство за чистење на лицето наместо пена за бричење. Според неа, оваа метода помага како пилинг за кожата, што овозможува производите за нега „многу подобро да се впиваат во кожата“. Ракел започнала со оваа практика кога имала 23 години и открила дека користи машки брич со пет сечила.

Многумина се скептични кон бричењето на лицето поради страв од иритација или мозолчиња, но Ракел објаснила како тоа да се избегне. „За да спречам акни, пред бричење правам пилинг и ја чистам кожата. Потоа користам средство за чистење на лицето за самото бричење и секогаш остро, ново сечило“, објаснила таа.

Експертите се согласуваат дека бричењето на лицето, освен отстранување на влакненца, може да послужи и како форма на механички пилинг за отстранување на мртвите клетки од кожата. Страницата „Healthline“ наведува дека тоа може да помогне во прочистување и осветлување на кожата и да го олесни нанесувањето шминка, но предупредува и на можни ризици, како оштетување на кожата или враснати влакненца.

Лавина реакции на социјалните мрежи

Нејзиното видео на ТикТок, објавено под корисничкото име „@raquelschwetzv“, брзо станало вирално и собрало повеќе од 2,1 милион прегледи, а корисниците се воодушевени од нејзината кожа и години.

„Изгледаш неверојатно!“, напишала една корисничка, додека друга додала: „Никогаш не би погодила дека имате 50. Кожата ви изгледа неверојатно“. Трет коментирал: „Молам? Па ти изгледаш како да си во дваесеттите“.

На прашањето дали лицето ѝ е „бодликаво“ по бричењето, Ракел одговорила: „Не. Влакненцата се тенки, па не е бодликаво како на нозете“. Кога една корисничка напишала дека и таа го прави тоа еднаш неделно и ги обожава резултатите, Ракел се согласила: „И јас го обожавам тоа! Особено нанесувањето производи за нега и шминка веднаш потоа“.

Нов бјути тренд што предизвикува поделени мислењата

Во последно време бричењето на лицето кај жените станува сè попопуларно, а социјалните мрежи се преплавени со видеа во кои корисничките го прикажуваат целиот процес и резултатите „пред и потоа“.

Многумина од нив тврдат дека кожата потоа им е помазна, посјајна и „почиста“, а шминката подобро им се нанесува и подолго трае. Трендот е особено видлив на ТикТок, каде ваквите содржини редовно стануваат вирални и поттикнуваат дискусии – од воодушевување до скептицизам.