Во кадарот се гледаат и луѓе кои панично се обидуваат да побегнат – пеш или со своите автомобили. За само неколку секунди, целиот објект исчезнал.

Две лица се повредени

Неверојатниот инцидент се случил пред неколку дена, а откако слегнала прашината, размерите на катастрофата станале видливи. Од станицата не останало ништо, а се појавил кратер длабок 15 метри!

Според достапните информации, најмалку две лица се наоѓале во просториите на бензинската станица и се здобиле со повреди. Локалните медиуми наведуваат дека станува збор за скршеници.

По уривањето, минувачите се приближиле до работ на огромниот кратер за да ја видат штетата, што дополнително говори за хаосот кој завладеал веднаш по несреќата.

Отпочната официјална истрага

Според неофицијални информации, уривањето на тлото било предизвикано од работи на блиско градилиште, но треба да се почека крајот на истрагата и конечните резултати, пренесува „Mirror“.

Полицијата брзо пристигнала на местото на настанот, ја обезбедила областа и забранила пристап, додека техничките служби започнале детална инспекција на теренот.

Нивната задача е да го утврдат точниот причинител на несреќата, како и да се спречи можноста за сличен инцидент во иднина.