Медиумски екипи се наоѓаат на самото место пред вилата на Здравко Чолиќ, каде што силни полициски сили ги блокираа сите приоди кон објектот, откако доцна синоќа била фрлена експлозивна направа.

Форензичари и обвинител на терен

Првите фотографии на порталот "Telegraf" од самото место покажуваат присуство на голем број полициски возила и припадници на контрадиверзиските единици. Увидот го врши дежурен обвинител од Вишото јавно обвинителство во Белград, додека форензичарите внимателно го пребаруваат дворот и околината во потрага по гелери и остатоци од направата.

„Детонацијата била толку силна што се затресле прозорците на околните куќи. Првичните резултати од истрагата укажуваат дека станува збор за рачна бомба која експлодирала во близина на капијата“, наведува извор од самото место.

Причинета голема материјална штета

На првите фотографии се гледаат оштетувања на фасадата на вилата, како и уништен дел од заштитната ограда и зеленилото пред самата куќа. Како што неофицијално дознаваме, во моментот на нападот во објектот имало членови на семејството, но за среќа никој не е повреден.

Потрага по напаѓачот

Полицијата во моментов ги презема снимките од сите надзорни камери во улицата и на самата вила, со цел да се влезе во трага на лицето кое ја фрлило бомбата. Мотивот за нападот засега останува целосна мистерија, со оглед на тоа што славниот пејач никогаш не бил поврзуван со какви било конфликти.