Комбинацијата од витамините А и Ц, железо и антиоксиданти ги зајакнува фоликулите, го поттикнува растот и ја штити косата од оштетување. Совршен е за сите што сакаат здрава, сјајна и густа коса одвнатре – едноставно, природно и брзо подготвено.

Смути од бобинки и спанаќ

Потребно е:

1 шолја свежи листови спанаќ

½ шолја замрзнати бобинки

½ банана

½ шолја бадемово млеко

1 лажичка чиа семки

Подготовка:

Во блендер ставете една шолја свежи листови спанаќ

Додајте ½ шолја замрзнати бобинки, ½ банана и една лажичка чиа семе

Додајте ½ шолја бадемово млеко

Блендирајте додека смесата да стане мазна и кремаста.

По потреба додајте уште малку бадемово млеко или вода за да ја добиете посакуваната густина.

Здравствени придобивки од смутито

Спанаќот е богат со железо, витамини А и Ц, фолати и антиоксиданти, кои ги зајакнуваат фоликулите на влакното, ја подобруваат циркулацијата на скалпот и го поттикнуваат растот на косата. Витаминот Ц во спанаќот помага во апсорпцијата на железото, што е клучно за спречување на опаѓање на косата, додека витаминот А го поттикнува создавањето на природни масла кои ја одржуваат косата здрава и сјајна.

Бобинките, како малини, боровинки и јагоди се богати со антиоксиданти и витамин Ц, кои ги штитат фоликулите од оштетување предизвикано од слободните радикали и го стимулираат создавањето колаген, важен за силна и отпорна коса. Редовното консумирање на овие намирници може да придонесе за зајакнување на косата, побрз раст и зачувување на нејзиниот здрав изглед.