Приватно видео од Меган и Хари е вирално на социјалните мрежи: Она што се гледа е доволно за да заклучиме за што станува збор
Меган Маркл сподели видео на кое таа и принцот Хари танцуваат, а снимката, како што откри самата, ја направила нивната ќерка, принцезата Лилибет.
Со црно-белото видео и фотографија од почетокот на нивната врска, стара десет години, војвотката од Сасекс се приклучи на актуелниот вирален тренд на социјалните мрежи.
Во интимната снимка, објавена во петокот на Инстаграм, Хари и Меган се гледаат како боси танцуваат на тревата и се гушкаат.
Во описот на објавата, прва од почетокот на годината, Меган напиша: „Кога 2026 изгледа токму како 2016… требаше да бидете таму“, притоа наведувајќи дека автор на видеото е нивната четиригодишна ќерка.
Покрај видеото, Меган сподели и фотографија од август 2016 година, на која таа и Хари позираат за време на патување во Боцвана. Станува збор за нивниот трет состанок, за кој Хари претходно има откриено дека тогаш поминале пет ноќи кампувајќи под ѕвездите.
