ПСВ Ајндховен вчера оствари убедлива победа над Ексцелзиор во домашното првенство, но загуби еден од своите најважни играчи на подолг рок.
Американскиот репрезентативец Рикардо Пепи го постигна вториот гол, со кој ПСВ поведе со 2:0, но во обидот да реализира падна незгодно и заработи скршеница на раката.
Ricardo Pepi scoort, maar komt verkeerd terecht en moet het veld geblesseerd verlaten 😬#psvexc pic.twitter.com/vXXX3l8PNI
— ESPN NL (@ESPNnl) January 10, 2026
Пепи не ја ни зафати топката во вториот обид, а таа сепак заврши зад гол линијата, но незгодниот пад му донесе фрактура, која бара пауза од два-три месеци.
Американецот ќе биде опериран, потврдија од ПСВ, а за него рехабилитацијата е многу важна и поради фактот што е еден од најважните играчи на репрезентацијата која ќе биде кодомаќин на претстојното светско првенство.
