Американската актерка Аманда Сејфрид отворено зборуваше за животот со опсесивно-компулсивно пореметување (ОКП), присетувајќи се на дијагнозата која ја добила кога имала 19 години. Во интервју за „Вог“, објавено на 8 јануари, 40-годишната актерка рече дека ѝ бил дијагностицирано „навистина екстремно“ ОКП.
„Тогаш живеев во Марина дел Реј, снимајќи го филмот „Big Love“, а мојата мајка мораше да земе одмор од работа во Пенсилванија за да живее со мене еден месец. Направивме снимање на мозокот и тогаш почнав да пијам лекови, кои ги земам и денес секоја вечер“, изјави Аманда.
Аманда нагласува дека како млада актерка, соочувањето со ОКП не ѝ го отежнувал професионалниот живот, но морала да избегнува одредени тригери кои би можеле да го влошат нејзиното здравје, како претерана консумација на алкохол, дрога или останување надвор до доцна, што ја разликувало од многу колеги.
„Правев планови, а потоа едноставно не одам. Претпоставувам дека тоа беа моите одлуки. Не влегував во таа област на ноќни клубови“, рече таа.
Аманда зборуваше и порано за лековите кои ги користи за ОКП, во интервју за „Алур“ во 2016 година:
„Пијам лекови и никогаш нема да престанам. Ги земам од 19 години, значи веќе 11 години. Земам најниска доза. Не гледам смисла да престанам. Без разлика дали е плацебо или не, не сакам да ризикувам“, изјави таа тогаш.
Актерката истакна дека менталните болести треба да се сфаќаат сериозно, исто како физичките:
„Менталната болест луѓето ја ставаат во друга категорија, но јас не мислам така. Треба да се сфати сериозно, исто како и сè друго. Не можете да ја видите менталната болест, тоа не е циста. Но, таа е тука. Зошто треба да ја докажувате? Ако може да се лекува, лекувајте ја“, порача Аманда.
