Меган Маркл и принцот Хари го загубија својот 11. портпарол (главен директор за комуникации) во последните пет години, откако си поднесе оставка. Меридит Мејнс заминува по 10 месеци работа за војводата и војвотката од Сасекс, потврди таа за „Пејџ сикс“.
„По една година инспиративна работа со принцот Хари и Меган, војводата и војвотката од Сасекс и во „Арчвел“, ќе ја искористам 2026 година како нова можност. Имам огромно чувство на благодарност и почит кон двојката и нивниот тим и доброто што го прават во светот“, рекла таа.
Тимот на Хари и Меган, исто така, ја потврдија веста: „Мередит Мејнс и ‘Методс комуникејшнс’ ја завршија својата работа со ‘Арчвел’. Војводата и војвотката се благодарни за нивниот придонес и им посакуваат се најдобро.“
Извор близок до Мејнс рече: „Таа е непоколеблива и не се жали… навистина уживаше во времето поминато таму, но во одреден момент е време да си оди. Доаѓајќи од технолошката индустрија, таа е навикната на толку многу работи што се случуваат во секое време. Други можеби мислеа дека не е традиционална позадина, но мислам дека добро се снајде. Количината на работа што успеа да ја заврши за речиси една година беше неверојатна: таа го лансираше подкастот и ТВ-шоуто на Меган и се грижи за добротворната работа на принцот.“
Изворот сподели дека Мејнс „направила што морала да направи“, додавајќи: „Се зборува дека има многу работи планирани за новата година. И е навистина возбудена.“
„Пејџ Сикс“ потврди во јуни дека уште четири члена на персоналот го напуштиле тимот на двојката, вклучувајќи го Кајл Булија, нивниот поранешен заменик-секретар за печат со седиште во Лос Анџелес, поранешниот портпарол за Велика Британија Чарли Гипсон и двајца членови на нивниот приватен тим. Тројца членови на нивната фондација „Арчевел филантропис“ исто така беа отпуштени.
Портпаролот на двојката рече дека промените се „неизбежни“ и ги припиша на „отпуштања“ во рамките на организацијата.
„Истиот целосен тим останува на место во овој момент. Овој потег значи дека некои намалувања на персоналот се неизбежни, особено на административните позиции на пониско ниво. Нема понатаму да ги дискутираме овие детали за персоналот, освен да кажеме дека ни е чест што работевме со неверојатно талентирани и грижливи луѓе кои се посветени на помагање на другите“, рекол тој.
Извор рече дека двојката „била принудена да направи намалувања на персоналот затоа што тоа ги чинело многу“ и дека организацијата се бори финансиски.
