Претседателот на СДСМ, Венко Филипче, на денешен брифинг со медиумите изјави дека ВМРО-ДПМНЕ спроведува синхронизирана и временски координирана акција за уривање на СДСМ одвнатре, токму во период кога партијата, како што рече, отвора прашања за криминал и корупција во врвот на власта.
Филипче наведе дека во јавноста се активирале поранешни функционери и лица кои повеќе не се дел од СДСМ, вклучително и лица кои преминале во ЗНАМ, и оцени дека тоа не е случајно.
Тој тврди дека СДСМ располага со информации за директна вмешаност на ВМРО-ДПМНЕ во овие активности и посочи сомнежи за финансиска поддршка во позадина, при што ја спомена и Алта банка.
Филипче порача дека СДСМ нема да дозволи да биде замолчена и дека ќе продолжи со, како што рече, борбата за правда и одговорност.
