Многумина ќе го наведат филмот „Всушност, љубов“ како нивен омилен божиќен филм, а токму приказната што ја оживеаја Ема Томпсон и Алан Рикман остана во сеќавањето на многу гледачи како најтешка за поднесување…
Приказната за жена која, користејќи божиќен подарок, сфаќа дека нејзиниот сопруг има вонбрачна врска и успева да ја задржи насмевката за да не го расипе Божиќот на своето дете, остави силен впечаток кај сите гледачи, особено кај женската публика која успеа да се пронајде во приказната.
Самата Ема Томпсон коментираше за улогата што ја играше пред 22 години, велејќи дека многу добро знае како е да се биде повредена жена која ја крие својата тага со насмевка.
@gq #EmmaThompson on working with #HughGrant. ♬ original sound - GQ
– Беше лесно да се игра. Знаев како е да се чувствуваш скршено срце, па затоа не беше тешко -, коментирала актерката за „Џи-Кју“, додавајќи: „Ги разбирам луѓето што плачат, но не сакаат да плачат и мора да го кријат тоа. Секој знае како е, сите жени знаат како е, особено ако имаат деца.“
Ема Томпсон беше во брак со актерот Кенет Брана од 1989 до 1995 година, но нивната врска се распадна поради неговите неверства. Во 1995 година, актерката го запозна Грег Вајс, со кого се омажи во 2003 година. Денес, тие имаат ќерка, Гаја, и посвоен син, Тиндиебва, од Руанда.
