Синовите ги величи како богови, а ќерката која е негова копија не сака ни да ја запознае: Познатиот актер се согласил да плаќа алиментација и тоа е сè

Актерот Овен Вилсон е омилен кај светската публика, додека деталите од неговиот приватен живот предизвикуваат сосема поинакви реакции од оние што ги добива поради филмските улоги.

Вилсон е татко на три деца – тој го доби синот Форд со поранешната девојка Џејд Дуел. Врската со Керолајн Линдквист, која беше негов личен тренер, му го донесе синот Фин, а со поранешната партнерка Варуни Вонгсвиратс ја има ќерката Лајла.

Вилсон во 2017 година зборуваше за синовите во емисијата на Елен Деџенерис: „Понекогаш ми се чини дека веќе гледам какви ќе бидат како тинејџери, кога ќе се соберат против мене“. Во разговор за „Esquire“ во 2021 година напомена дека живее со двата сина и дека сите се согласуваат, бидејќи ја презел улогата на самохран татко.

Два месеци подоцна, Варуни изјави за „Daily Mail“ дека Вилсон никогаш не ја сретнал нивната ќерка и дека немал никаков контакт со девојчето.

„За жал, никогаш не ја запознал“, порача таа, додека во 2019 година преку истиот медиум го замоли актерот да биде покрај ќерката. Таа рече дека, иако тој финансиски помага (25.000 долари месечна алиментација), никогаш не бил со своето дете.

„На Лајла ѝ е потребен татко. Иронично е како Вилсон постојано добива улоги на татко... а никогаш не ја запознал својата ќерка“, заклучи таа.

Овен Вилсон често глуми совршен татко на филмското платно, а во приватниот живот се одигрува вакво сценарио. Дали приказната ќе тргне по друг тек? Се коментира дека Лајла многу наликува на татко ѝ.