Актуелната резултатска серија на Барселона, но и формата на најважните фудбалери ги прават оптимисти сите кои се надеваат дека Каталонците ќе освојуваат трофеи и сезонава, а тренерот Ханси Флик го има Педри како една од незаменливите алки во својот избор на теренот.
23-годишниот шпански фудбалер воодушевува со својата техника и фудбалска зрелост, а вчерашниот натпревар против Осасуна беше 150-ти прволигашки настап во дресот на Барселона.
1 - At 23 years and 18 days old, Pedri González will become the youngest player to reach 150 appearances for Barcelona in LaLiga, surpassing the previous record held by Lionel Messi, who played his 150th match against Real Zaragoza in October 2010 (23y, 121d). Icons. pic.twitter.com/GIStkxbhoo
— OptaJose (@OptaJose) December 13, 2025
За тоа колку брзо и лесно се наметна како прв избор на тренерите на Барса покажува и фактот дека Педри собори рекорд на Лионел Меси, односно стана фудбалер кој најбрзо стигнал до 150 Ла Лига настапи во клупската историја.
До јубилејната бројка стигна со 23 години и 18 дена, додека Меси го одигра 150-тиот натпревар со 23 години и 121 ден.
Педри вкупно има 220 настапи за Барселона во сите натпреварувања, а таа бројка ќе беше многу поголема ако не беа проблемите со повреди.
