[ФОТО] Зошто сите луѓе на фотографиите од плажи од 70-тите се слаби? Писател дошол до одговор

На тие весели летни глетки, многумина го забележале истото: сите имаат тенки фигури. Дали е можно сите да биле послаби?

Писателот и колумнист Џорџ Монбиот спровел истражување за да дојде до одговор. Тој открил дека луѓето, всушност, јаделе повеќе во 1970-тите отколку сега. Исто така, работата денес е потешка отколку во седумдесеттите.

Но, постои битна разлика: открил дека луѓето денес јадат повеќе шеќер, кој го има во многу производи.

Во минатото јадевме повеќе, но поинаку. Денес по лице купуваме двојно помалку свежо млеко, но пет пати повеќе јогурт, три пати повеќе сладолед и дури 39 пати повеќе млечни десерти, покажало неговото истражување.

Купуваме двојно помалку јајца отколку во 1976 година, но за третина повеќе житарки за појадок и двојно повеќе грицки од житарки; половина од вкупната количина на компири, но трипати повеќе чипс.

Додека нашето директно купување на шеќер нагло опаднало, шеќерот што го консумираме во пијалаците и кондиторските производи веројатно скокнал.

„До промената не дошло случајно. Како што Жак Перети тврдел во неговиот филм „Мажите кои нè здебелија“ (The Men Who Made Us Fat), прехранбените компании инвестирале големи средства во дизајнирање на производи кои користат шеќер за да ги заобиколат нашите природни механизми за контрола на апетитот, како и во пакувањето и промоцијата на овие производи, за да го „скршат“ она што останало од нашата одбрана, вклучувајќи го и користењето на потсвесни мириси. Тие вработуваат армија научници и психолози за храна за да нè измамат да јадеме повеќе отколку што е потребно, додека нивните огласувачи ги користат најновите откритија во невронауката за да го совладаат нашиот отпор“, тврди Џорџ Монбиот.