[ФОТО] Славната манекенка се породи само 13 дена по отворањето на ревијата на „Victoria’s Secret“: „Најголемиот благослов“
Манекенката Јасмин Тукс и нејзиниот сопруг Хуан Давид Бореро го добија своето второ дете — син по име Матео Ира Бореро — на 28-ми октомври 2025 година. Веста ја споделија со јавноста на 10 ноември преку своите профили на Инстаграм.
Парот позирал со своите деца – Јасмин го држела синот во прегратка, додека Миа во неколку моменти нежно ја ставила раката на својот помал брат. Под фотографиите, парот напиша: „Најголемиот благослов. Матео Ира Бореро, 28.10.25“.
Јасмин првпат ја објави веста за бременоста во јули 2025, споделувајќи фотографии на Инстаграм на кои позираше во елегантен бел фустан. Во описот тогаш напиша: „Уште една мала душа за сакање“.
И покрај бременоста, Тукс неодамна ја отвори ревијата на „Victoria’s Secret Fashion Show“, воодушевувајќи ги фановите со своето појавување на модната писта само неколку недели пред породувањето. Иако многумина очекуваа дека оваа година нема да настапи, Јасмин ги изненади сите не само што прошета по пистата, туку и што ја отвори ревијата во последните недели од бременоста.
На себе ги носеше препознатливите златни крилја украсени со светкави детали, а изгледот беше надополнет со мрежест фустан што го истакнуваше нејзиниот труднички стомак.
Да потсетиме, парот се вери во 2020 година, се венча во 2021, а првото дете, ќерката Миа, ја добија во 2023 година.
