Кралот Чарлс Трети го започнал процесот за одземање на титулата на неговиот помлад брат, принцот Ендру, довчерашниот војвода од Јорк.
Бакингемската палата синоќа се огласила со ладно соопштение во кое биле објаснети некои работи.
Принцот Ендру целосно бил отстранет од кралското семејство откако кралот Чарлс Трети го лишел од титулата и домот.
Поранешниот војводата од Јорк и синот на покојната кралицата Елизабета Втора во иднина ќе биде познат само како господин Ендру Маунтбатен Виндзор, а ја изгубил дури и својата титула на принц стекната со самото раѓање.
Ендру се согласил да се откаже од животот во Кралската ложа и ќе биде протеран во приватен дом на имотот Сандрингам во Норфолк, пренесува „Daily Mail“. Трошоците приватно ќе ги сноси кралот Чарлс.
Во „клинички ладното соопштение“, пишува порталот, Бакингемската палата јасно ставила до знаење дека критиките се сметани за неопходни, без оглед на фактот што тој и натаму ги негира обвиненијата против него.
Со тоа се мисли на тврдењата на покојната Вирџинија Џуфре дека осудениот педофил Џефри Епштајн го подводел кралскиот син во сексуални цели.
„Нивните Величества сакаат јасно да стават до знаење дека мислите и чувствата останале со жртвите и ги преживеале сите облици на злоставување“, се истакнува во изјавата за медиумите која ја издала Палатата.
Ќерките на Ендру, принцезата Беатрис и Јуџин ќе ги задржат своите титули, објави „BBC“.
Да ве потсетиме, принцот Ендру бил во пријателски однос со Џефри Епштајн и неговата соработничка Жислен Максвел, а Вирџинија Џуфре го обвинила дека ја силувал кога имала 17 години.
Ендру обвиненијата ги негирал, но во 2019 година бил повлечен од јавната должност, а во 2022 година судот постигнал договор со жената која го обвинила. После минатонеделното објавување на постхумните мемоари на жената, принцот бил под сѐ поголем притисок да ја напушти својата резиденција.
