Во Музејот на филмската академија во Лос Анџелес вчера била одржана традиционална гала-вечер на која присуствувале бројни познати личности, а сепак најголемо внимание привлекла Ким Кардашијан која целосно го покрила своето лице.
Реалити ѕвездата, претприемачка, модел, дизајнерка, инфлуенсерка и уште многу, умее да го привлече вниманието на црвениот тепих, а сега во тоа ѝ помогнала модната куќа „Maison Margiela“.
Ким носела „nude“ фустан од колекцијата есен 2025 година, баш на начинот на којшто тој бил претставен на ревијата во Париз – со парче ткаенина со боја на песок на главата.
„Мојот шминкер Марио мораше да лета за Њујорк, а ова беше одлука во последен момент, па сигурна сум дека тој не е среќен поради тоа“, рекла Ким за „Variety“.
Но, од каде воопшто идејата Ким да стави маска на главата? Најпознатиот член од семејството Кардашијан истакнала дека „Margiela“ стајлингот потсетува на нејзиниот бренд „SKIMS“, познат по неутралните тонови и припивањето на материјалот за кожата.
„Ме привлече ревијата на брендот затоа што потсетува на мојот бренд. Го видов овој изглед и помислив: За мене ова е толку SKIMS“.
Кога станува збор за фустанот, Ким носела модел со корсет којшто ја нагласил нејзината препознатлива фигура со облик на песочен часовник.
Таа носела и впечатлив ѓердан којшто се протегал до градите, а бил украсен со масивни камења со дијаманти.
Што мислите вие за овој изглед на Ким Кардашијан?
