Љубовниот живот на Том Круз (63) отсекогаш бил интересен за медиумите и јавноста затоа што актерот важи за еден од најпосакуваните мажи на планетата, а деновиве во него повторно има турбуленции.

Според медиумите, тој повеќе не се гледа со актерката Ана де Армас (37).

Еден корисник на социјалните мрежи забележал дека Том Круз зад себе има три брака, секојпат се развел во моментот кога неговите сопруги имале 33 години.

Браковите на Том Круз

Ѕвездата на бројните филмски хитови првпат стапила во брак во 1987 година и се оженил со актерката Мими Роџерс.

Бракот траел три години, а потоа актерот се оженил со славната Никол Кидман во 1990 година и се развел во 2001 година. Парот по спонтаниот абортус којшто го имала Никол одлучил да посвои деца: Изабела и Конор.

Третата сопруга на Том Круз била Кејти Холмс со која ја има ќерката Сури, а тие биле во брак од 2006 до 2012 година.

Тајната на бројот 33 и објаснување од скиентологијата

Сите сопруги во моментот на разводот имале 33 години, што е посебно интересно поради важноста на овој број во скиентологијата, религијата во која холивудскиот актер речиси и да има статус на божество и е нејзин најпознат припадник.

Л. Рон Хабард, основач на Скиентолошката црква, го опишувал бројот 33 како симбол на желба другите да се просветлат и да се водат кон судбината.

Овој број не е дел од основната доктрина, но се поврзува со нумеролошкиот концепт на Мајсторот учител и духовната идеја за просветлување.

Каква врска има бројот 33 со разводите на Том Круз, односно зошто од секоја сопруга се разведувал баш кога имала 33 години, не е јасно, а можеби станува збор за случајност.

Сепак, познато е дека актерот е исклучително посветен на тоа учење поради што со години не ја видел ќерка си Сури.