Овој пристап станал познат благодарение на уметницата Маргарет Магнусон, која размислувала како да се ослободиме од товарот што ни го нанесуваат нагомиланите предмети — товар кој ќе продолжи да ги оптоварува и нашите најблиски по нашата смрт.

Стручњаците советуваат чистењето да започне со облеката и обувките — тоа се области каде што најлесно се забележува што навистина се користи, а што само зазема место во ормарот. Високи потпетици што не сте ги облекле десет години? Парчиња купени импулсивно на некоја распродажба? Сето тоа зазема простор и создава оптеретување.

Сепак, не мора веднаш да се ослободите од сè — вредните парчиња можете привремено да ги одложите или да ги подарите на некој кому ќе му значат повеќе.

Принципот 30% наспроти 70%

Истражувањата покажуваат дека повеќето жени редовно носат само околу 30% од својата гардероба; останатите 70% се состојат од облека од минати фази во животот — „пред бременост“, „за посебни прилики“, или купени поради попуст. Логиката на шведскиот метод е јасна: задржете го она што навистина го користите во вашиот сегашен живот, а сè друго може да биде кандидат за елиминација.

Нема смисла да се одложуваат работи „за на викендичка“ или „за кога ќе се реновира“, бидејќи често се случува тие никогаш повторно да не се употребат.

Помалку работи – подобар избор

Кога ќе се ослободи простор, клучно е да се научи да се избира квалитет наместо квантитет. Ова особено важи за парчиња што се носат подолго време – наместо да купите пет џемпери „само затоа што се на попуст“, подобро е да имате еден класичен, квалитетно изработен џемпер што ќе го носите постојано.

Иста логика треба да важи за целиот гардеробер: не се расфрлајте со премногу парчиња.

Сестраноста – односно парчиња што можат да се носат во различни пригоди – помага да се избегне натрупување.

Сето ова важи и надвор од облеката..

Шведската метода на средување не се однесува само на гардеробата. Организирањето на ормарите е само првиот чекор, но целта е промена на ставовите – како избираме, како ги вреднуваме работите и како го одржуваме просторот за да не се претвори во магацин.