Психолозите разликуваат различни типови родители: прегрижливи, строги, презафатени, демократски и амбициозни.

Кои се амбициозни родители?

Амбициозните родители се обидуваат своите неостварени желби од младоста да ги спроведат низ своите деца. Нивното тежнеење често ги игнорира реалните желби и способности на детето. Кога родителите инсистираат детето да стане она што не сака, тоа може да го изгуби својот дел од детството.

Посебен проблем настанува кога и двајцата родители имаат различни амбиции за детето. Тогаш детето се наоѓа во неможна ситуација – мора да бира меѓу лојалноста кон едниот родител или да се обиде да ги задоволи и двете страни, што е речиси невозможно. Последиците се деца кои стануваат незаинтересирани, бунтовни или повлечени.

Последици по детето

Децата на амбициозните родители често не се чувствуваат сигурно, исплашени се или им е криво кога не можат да ги исполнат очекувањата на возрасните. Притисокот да ги задоволат родителските амбиции може да доведе до губење на мотивацијата, стрес и проблеми со самодовербата.

Од друга страна, доколку детето е талентирано и доволно отпорно, може да стане исклучително успешно – спортист, математичар, менаџер, но во голема мера како „задоволувач“ на родителските очекувања.

Амбициозни родители во наредната генерација

Децата на амбициозните родители често преземаат исти обрасци кога ќе станат родители. Доколку успеале да ги исполнат очекувањата на своите родители, веројатно и самите ќе бидат амбициозни кон своите деца.