Кога се вселуваме во нов дом, обично сме исполнети со радост и возбуда поради започнување на ново поглавје во животот.
Меѓутоа, еден маж откако ги добил клучевите од својот нов дом, пронашол многу повеќе отколку што очекувал, а сега се прашува каков бил начинот на размислување на претходните станари. Додека ги распакувал своите работи и ги ставал на полицата во дневната соба, забележал нешто необично, полицата имала лост. Од љубопитност, ја повлекол и на свое изненадување, открил дека зад ѕидот се крие тајна соба.
Тој на Редит опишал: „Ставав работи на полица кога забележав лост, а потоа сфатив дека ѕидот се отвора и води кон скриена соба“.
Просторот со големина на плакар бил облепен со разни тапети на ѕидовите и подот, а внатре имало канцелариско столче и празна аголна полица.
Повеќето корисници на социјалните мрежи претпоставиле дека поранешниот сопственик создал „слатко катче за читање“, но исто така многумина сметаат дека собата повеќе личи на нешто што би го виделе во куќа со духови отколку на тивко место за книги.
Тој продолжи: „Целосно е скриено, го најдов случајно. Искрено, има застоен мирис, не е страшно, но е мувлосано.“
Може да се отвори одвнатре, но не може да се види однадвор. Сепак, може да се заклучи и отклучи одвнатре ако ги ставите прстите во мал отвор. Го открив тоа на тешкиот начин кога се заклучив внатре без дури и да забележам.
Чудно е, подот е направен од штици, но еден дел е покриен со тапети, очигледно за да се скрие нешто. Дури има и остатоци од лајсни на самиот влез, но освен тоа нема многу нешта.
Нема приклучоци ниту светла, а бравата работи и однадвор. Може да се отклучи одвнатре, но очигледно не е предвидено да се користи на тој начин и е доста незгодно“, објасни корисникот на Редит.
