Овој имот којшто се протега на девет хектари изграден е во 1930-тите години од страна на Џек Ворнер, коосновачот на „Ворнер Брос“ и, и натаму важи за еден од најпопуларните поседи во историјата на Холивуд.

Вилата ја красат фрески, историски подови и тајна сала за кино

Главната куќа на имотот е раскошна вила полна со неверојатни детали: ѕидови насликани со фрески, мермерен камин со врежани мотиви, стари дрвени пoдови, амбиент инспириран од Англија од 18 век.

Внатрешноста вклучува импресивна библиотека, бар којшто се протега однатре кон надвор, луксузен апартман со греди на плафонот, скриена кино сала, како и вински подрум со капацитет за 700 шишиња.

Голф, базен, тениски терен и куќата на Мерилин Монро

На имотот има и гостински куќи, вклучувајќи една за која се верува дека ја користела Мерилин Монро, голф терен со девет дупки, базен, тениски терен, тераси, рибник, совршено средени градини и дури приватна бензинска пумпа во внатрешноста на гаражата.

Безос подоцна купил уште една парцела во вредност од 10 милиони долари за да го прошири имотот. Според извештаите од февруари минатата година, завршени се работите кои вклучуваат базен со мотив на гребен и дополнителен тениски терен.

Сепак, Безос таму не живее.