На прв поглед Наоми Вотс носела фустан којшто лесно би можел да се смести меѓу најубавите на фестивалот, но се појавил еден проблем...
Наоми Вотс е голема вљубеничка во модата и секогаш на посебни настани носи луксузни модни парчиња, но на втората вечер од Меѓународниот фестивал во Венеција не воодушевила.
Таа пристигнала во придружба на Били Крадап, нејзиниот сопруг којшто игра во драмата „Џеј Кели“, а парот прошетал на црвениот тепих на премиерата на филмот.
За оваа прилика Наоми избрала да носи фустан од брендот „Валентино“, дизајниран специјално за неа, а станува збор за атрактивен модел за којшто многумина се согласни дека бил уништен поради еден детаљ.
Австралиската актерка фустанот со балски крој којшто бил покриен со тул и во боја на кожа го претставила пред публиката.
Доколку внимателно ги погледнете фотографиите веќе е јасно што е проблемот со ова издание на Наоми Вотс – црната панделка во пределот на струкот.
Овој детаљ не е во склад со останатата креација, па Наоми се нашла на листата најлошо облечени ѕвезди на фестивалот.
Што мислите вие за ова модно издание?
