На средбата со европските лидери во Вашингтон таа се појавила во стајлинг којшто е полн со самодоверба и елеганција.

Навикнати сме Мелони во јавноста да изгледа беспрекорно, но нејзиниот последен избор особено привлекол внимание. Во друштво на американскиот претседател Доналд Трамп и украинскиот претседател Володимир Зеленски, таа заблескала во комбинација на која тешко може да се најде некаква маана.

Чевли кои никогаш не излегуваат од мода

Премиерката носела класични салонки, модел којшто со причина се смета за вечен фаворит. Овој вид чевли со децении го има статусот на моден класик затоа што совршено се вклопува и во деловни и во свечени пригоди.

Без оглед на тоа дали се носат со костим, елегантен фустан или фармерки и едноставна гардероба, црните салонки секогаш даваат доза елеганција.

Токму во тоа лежи нивната сила, во сестраноста и непогрешливата доза софистицираност.

Костим којшто асоцира на сила

Мелони чевлите ги искомбинирала со темносив костим којшто ја истакнал сериозноста и авторитетот, додека пак под него носела ефектен кариран џемпер.

Фризурата ѝ била едноставна, косата пуштена, а тоа дополнително го нагласил нејзиниот природен и самоуверен настап.

Ви се допаѓа ли оваа модна комбинација на Џорџа Мелони?