Испаѓа дека и едното и другото има свои предности, но редоследот може да направи разлика, пишува „Е-клиника“.

Што се случува во устата додека спиеме?

Во текот на ноќта, телото ја намалува продукцијата на плунка, што им овозможува на бактериите да се размножат. Поради тоа наутро имаме непријатен вкус и мирис во устата. Миењето на забите ги отстранува овие непожелни гости, но и една чаша вода може да ги „испере“ и да му помогне на телото да ги исфрли токсините пред миењето.

Зошто водата на празен стомак може да биде добра идеја?

Голтка вода наутро не само што ја гаси жедта – таа:

• го буди дигестивниот систем;

• ги хидрира клетките и го активира метаболизмот;

• му помага на телото да ги исфрли отпадните материи наталожени преку ноќ;

• го подготвува желудникот за појадок;

• ја олеснува работата на цревата и го поттикнува природниот ритам на организмот;

• Топла или вода на собна температура е особено пријатна и за желудникот и за целиот организам.

А што е со „проголтаните бактерии“?

Точно е – ако пиете вода пред миење на забите, ќе проголтате дел од бактериите од устата. Но, за повеќето здрави луѓе тоа не претставува проблем. Желудочната киселина е доволно силна за да ги уништи за неколку секунди, а имунолошкиот систем го завршува остатокот од работата. Внимателност е потребна само ако имате инфекција во устата или ослабен имунитет.

Како тоа влијае на забите и непцата?

Миењето на забите веднаш по будењето најефикасно го спречува создавањето на плака и го чува здравјето на непцата. Но и водата има свои придобивки – ги разредува киселините во устата, го намалува ризикот од ерозија на глеѓта и може да го освежи здивот до моментот на миење.

Идеална утринска рутина според стручњаците

Најдобриот редослед, според стоматолозите, изгледа вака:

• Испијте чаша вода веднаш по будењето.

• Почекајте 15–20 минути за телото да се хидрира и да ги „вклучи“ процесите.

• Измијте ги забите и продолжете со денот.

Ако ви пречи помислата да пиете вода „преку“ утринските бактерии, едноставно исплакнете ја устата пред првата голтка.

Нема погрешен одговор

И оние што пијат вода пред миење на забите и оние што прво ги мијат забите имаат добри аргументи. Важно е двата чекора да бидат дел од секојдневната рутина.

Чашата вода пред миење на забите не е чудотворен ритуал, но е мала и едноставна навика што може да донесе многу – подобра хидратација, подобра дигестија и општo чувство на виталност. За оние со чувствителни непца или специфични стоматолошки проблеми, секогаш е добро да се посоветуваат со стоматолог.