Во првиот бран на иранската контраофанзива, неколку стотици ракети дури и не стигнаа до Израел – некои биле соборени од самите Израелци, како и од меѓународните партнери на земјата, како што се САД.

Но особено интересна е улогата на арапските земји во оваа приказна.

Ирак, Сирија и Јордан индиректно се приклучија на конфликтот, соборувајќи ирански ракети што летаа кон Израел.

Во Ирак и Сирија дојде до промена на режимот, која сега може да се смета за прозападна, но Јордан е најинтересниот случај, со оглед на тоа што оваа земја има стабилна влада под кралот Абдула бин Ал Хусеин.

Историјата на односите меѓу Јордан и Израел започна во 1948 година, кога за време на арапско-израелската војна Јордан ја презеде контролата врз Западниот Брег и Источен Ерусалим сè до 1967 година, кога Израел ја презеде контролата врз територијата за време на Шестдневната војна. Шест години подоцна, за време на Јом Кипурската војна, Јордан значително го намали своето воено присуство во Палестина.

Меѓутоа, за да се разберат јорданско-израелските односи, важно да се спомене и „црниот септември“, војната меѓу Палестинската ослободителна организација (ПЛО) и јорданската армија.

Конфликтот започнал поради палестински групи, групирани заедно во ПЛО, кои барале соборување на хашемитската кралска династија, која ја презеде власта во Јордан во 1921 година.

Војната меѓу ПЛО и Јордан подоцна ја вклучи и Сирија, а за време на конфликтот се вклучи и Израел, на страната на јорданските власти. Овој конфликт дополнително ги зајакнал врските меѓу Тел Авив и Аман.

Годината која ги „зацементирала“ добрите односи

Иако формално ги завршија своите конфликти во 1973 година, Јордан и Израел потпишаа примирје и воспоставија дипломатски односи дури во 1994 година, со што Јордан стана втората арапска држава, по Египет, што го призна Израел како независна земја.

Со американското ветување за простување на долгот, кралот Хусеин потпишал мировен договор.

Покрај отпишувањето на долгот во вредност од 698,4 милиони долари, Јордан доби и трговски договор потпишан во 1996 година, како и голем број економски проекти. Покрај тоа, Јордан ја доби позицијата главен партнер на САД во регионот, заедно со Израел и Саудиска Арабија.

Инаку соборувањето на ракетите Јордан го оправдува со „одбрана на воздушниот простор“, меѓутоа јасно е дека јорданските власти избираат стабилност, која, како што може да се протолкува периодот од 1994 година до денес, ја носи партнерство со Израел, индиректно со САД, пред солидарноста со другите арапски земји како Палестина или во случајов Иран.