Сладолед со вкус на мајчино млеко – Корисниците на социјалните мрежи со спротивставени реакции
Фрида, компанијата позната по производите за бебиња, го објави лансирањето на сладолед со вкус на мајчино млеко во чест на нивната нова рачна пумпа за измолзување. Овој сладолед нема да содржи вистинско мајчино млеко, туку е дизајниран да го имитира неговиот сладок, кремаст вкус.
Фрида тврди дека сладоледот е богат со хранливи материи како омега-3 масни киселини, јаглехидрати, витамини како железо, калциум, витамини Б и Д, цинк, протеини од сурутка и казеин и вода за хидратација. Овие состојки се корисни и за бебињата и за новите мајки, а всушност и за повеќето луѓе.
Иако некои изразија сомнеж дека се работи за првоаприлска шега, Фрида потврди дека производот е вистински. Компанијата ги повикува заинтересираните да се пријават на нивната веб-страница за да добијат детали околу лансирањето. Коментарите на социјалните мрежи беа спротивставени. Додека некои со нетрпение чекаат да го пробаат овој необичен десерт, други изразуваат скептицизам околу идејата.
Инаку Фрида е позната по своите иновативни производи за мајки и бебиња, а со овој потег сакаат да ја задоволат љубопитноста на оние кои некогаш се запрашале каков вкус има мајчиното млеко, давајќи им можност тоа да го искусат на безбеден и прифатлив начин.
