Фотографиите од „рамната Земја“ тој ги сподели на својот Телеграм канал, а тие би биле шокантни – доколку не беа придружени со духовита порака: „Први април – Ден на шегата“.

Вагнер објави фотографија на која се гледа модел на рамната Земја што ја носи кит на грбот, со вистинската планета во позадина.

„Први април – Ден на шегата. Можеби најдобрата можност за потсмев кон приврзаниците на теоријата за рамната Земја!

Овој пат, со мене во вселената на „просветлување“ полета и моделот на „Земјата на древна Русија“ – три кита што носат рамен диск, односно Земјата.

Во мојата претходна мисија, со себе го понесов веројатно најпопуларниот древен индиски модел – желка со три слонови на грбот, кои ја држат рамната Земја.

Двата модели ми ги изработи Олег Блинов, на што му благодарам многу!“, напиша Вагнер.

Хумор против теориите на заговор

Пробниот космонаут и херој на Русија, Олег Артјомјев, уште минатиот јули изјави дека на ставовите на луѓето кои не веруваат дека Земјата е тркалезна треба да им се одговори со хумор.

Тој потенцираше дека има луѓе кои не веруваат ниту дека Јуриј Гагарин полетал во вселената, ниту дека Американците слетале на Месечината.