Нетфликс на социјалните мрежи објави дека започнала продукцијата на играната серија „Scooby-Doo“.
Инаку, уште во април 2024 година беше објавено дека серијата е во развој, а како што потврдија од Нетфликс, серијата ќе има осум епизоди.
Сценаристи и водители на проектот се Џош Апелбаум и Скот Розенберг, кои исто така ќе служат како извршни продуценти со Андре Немек и Џеф Пинкер преку нивната продукциска куќа „Midnight Radio“. Извршни продуценти се и Грег Берланти, Сара Шехтер и Ли Лондон Редмејн преку „Berlanti Productions“. Продукцијата ја предводи „Warner Bros. Television“.
Нетфликс ја објави првата страница од сценариото и откри што можат да очекуваат гледачите во претстојната серија.
A Scooby-Doo live-action series is coming to Netflix!
— Netflix (@netflix) March 26, 2025
In this modern reimagining, old friends Shaggy and Daphne team up at summer camp with scientific townie Velma and the strange but handsome Fred to solve the mystery of a lonely lost Great Dane puppy — who may have witnessed a… pic.twitter.com/zNipea5gz6
„Во оваа модерна реинтерпретација, старите пријатели Шаги и Дафне ги здружуваат силите во летниот камп со Велма и невообичаениот Фред за да ја решат мистеријата на осаменото, изгубено кученце, кое можеби било сведок на натприродно убиство“, објаснија тие.
Исто така, ова нема да биде прв обид за играна адаптација на „Scooby-Doo“. Најпознатиот игран филм „Scooby-Doo“ е филмот од 2002 година во кој главните улоги ги толкува Фреди Принц Џуниор, Сара Мишел Гелар, Метју Лилард и Линда Карделини, додека гласот на Скуби му го позајмил Нил Фенинг. Во тоа време филмот беше огромен кино хит, со заработка од повеќе од 250 милиони долари ширум светот.
Продолжението со истата актерска екипа, „Scooby-Doo 2: Monsters Unleashed“ беше објавено во 2004 година и заработи повеќе од 180 милиони долари. Со текот на годините беа создадени низа анимирани проекти со Скуби, почнувајќи од оригиналната цртана серија од доцните 1960-тите.
Објавата на Нетфликс за продукцијата на серијата предизвика низа реакции, а долгогодишните фанови на „Scooby-Doo“ изразија надеж дека ќе бидат претставени приказната и ликовите со кои многумина пораснаа.
„Ве молам, направете го ова добро. Не го уништувајте како што го направивте тоа со многу други проекти“, „Повеќе сум нервозна отколку возбудена поради ова“, „Не знам како ќе направат нешто подобро без оригиналната актерска екипа од играните филмови“, „Милиони израснаа со овие ликови, ако веќе ја снимате серијата, направете ја како што треба“, беа само дел од коментарите на обожавателите.
