Според извештајот на "Newsweek", снимката прикажувала новоизградени кинески десантни тегленици, кои Пекинг би можел да ги искористи за транспорт на воена опрема и трупи во случај на напад врз Тајван.

Мистериозни десантни баржи и нивната потенцијална улога во инвазијата

Според Naval News, овие пловила биле забележани уште во јануари во бродоградилиштето во Гуангџоу, а нивна главна карактеристика се долгите рампи, кои им овозможуваат на воените возила да заобиколат тешко бранирани плажи.

Снимката, која кратко се појави на кинеската социјална мрежа "WeChat", прикажувала три пловила со вовлекувачки столбови во плитки води, како и платформа со рампа што води кон брегот.

Покрај тоа, Кина забрзано произведува "Ro/Ro" (roll-on/roll-off) бродови – комерцијални пловила што лесно можат да бидат адаптирани за воен транспорт. Благодарение на нивните рампи, тие овозможуваат брз транспорт и истовар на воена опрема, вклучувајќи тенкови и оклопни возила.

САД предупредува: Кинеската армија се подготвува за 2027 година

Според неколку американски функционери, вклучувајќи го и поранешниот директор на ЦИА, Бил Бернс, кинескиот претседател Шји Џинпинг и наредил на својата војска да биде подготвена за можен напад врз Тајван до 2027 година.

Иако тоа не значи дека инвазијата е неизбежна, ова предупредување претставува аларм за воените стратези во Тајван и САД.

Том Шугарт, поранешен американски морнарички подморничар и аналитичар во "Center for a New American Security", предупреди на платформата "X" (поранешен Twitter):

„Не можам да се сетам на многу посериозни предупредувања за Тајван и американските воени планери од фактот дека Народноослободителната армија на Кина навистина ја спроведува директивата на Џинпинг за стекнување способност за инвазија до 2027 година.“

Во друга објава, Шугарт додаде:

„Ако Кина успее да ги транспортира овие пловила до брегот и да ги заштити, тоа би биле исклучително лоши вести за Тајван. Нивната огромна трговска морнарица може да пренесе огромен број воени возила со помош на растечката флота "Ro/Ro" фериботи и товарни бродови.“

Тајван се подготвува за одбрана

Од 2016 година, тајванската влада интензивно ја зајакнува својата одбрана од потенцијален кинески напад. Во таа насока, се вложува во:

- Купување на американско оружје

- Модернизација на армијата

- Развој на домашни одбранбени системи, вклучувајќи крстосувачки ракети

Сепак, Тајпеј сè уште ја очекува испораката на воена опрема во вредност од неколку милијарди долари, која беше одобрена од американскиот Конгрес пред неколку години.

Вашингтон ја задржува политиката на „стратегиска двосмисленост“, оставајќи го Пекинг во неизвесност дали САД директно би интервенирале во случај на напад врз Тајван.

Тензиите меѓу Кина и Тајван не стивнуваат

Тајван, официјално познат како Република Кина, е де факто независна држава со главен остров Тајван, во источна Азија.

Властите во Пекинг не ја признаваат тамошната владата и го сметаат Тајван за составен дел на НР Кина, што ја прави ситуацијата исклучително напната и непредвидлива.