Последната полна месечина од зимската сезона, позната како Црвлива Месечина ќе биде во сенка на Земјата ноќта меѓу 13 и 14 март, во зависност од временската зона и ќе биде видлива од западната хемисфера на Земјата, соопшти Американската вселенска агенција (НАСА).

Домородните Американци ја нарекоа последната полна месечина во зимската сезона Црвлива Месечина, по црвите и други суштества кои излегувале од нивните зимски скривалишта за да ја дочекаат пролетта.

Затемнувањето на Месечината се случува кога Сонцето, Земјата и Месечината се порамнуваат така што Месечината паѓа во Земјината сенка, а за време на целосното затемнување кое се очекува оваа година помеѓу 14 и 15 март, целата Месечина ќе биде во сенка на Земјата, пишува „Си-би-ес“ (CBS News).

Зошто Месечината изгледа црвено за време на затемнувањето на Месечината?

Со месечината во сенката на Земјата, таа ќе изгледа црвено-портокалово, според НАСА. Затемнувањето на Месечината понекогаш се нарекува крвава месечина поради овој феномен.

За време на затемнувањето на Месечината, Месечината ја добива својата црвена боја бидејќи секоја сончева светлина што не е блокирана од Земјата се филтрира низ „дебелиот дел од атмосферата на Земјата“ додека се движи кон површината на Месечината, според НАСА. Колку повеќе прашина или облаци има во атмосферата на Земјата за време на целосното затемнување на Месечината, таа толку ќе биде поцрвена.