„Apple“ фановите во исчекување

Новата генерација „iPhone SE 4“ наскоро ќе биде претставена, а љубителите на „Apple“ со нетрпение ја очекуваат официјалната најава.

Францускиот продавач „Boulanger“ неодамна по грешка постави страна за „iPhone SE 4“ на својата веб-страница, со ознака „наскоро пристигнува“. Оваа ненамерна објава предизвика огромно возбуда меѓу „Apple“ корисниците.

Иако страницата не откри никакви спецификации или цена на новиот модел, ова предизвика голем број шпекулации. Многумина претпоставуваат дека дистрибутерот случајно ги открил информациите порано од планираното.

Страницата беше брзо отстранета откако корисниците на интернет ја забележаа, но токму тоа дополнително ја зацврсти претпоставката дека „iPhone SE 4“ наскоро ќе биде официјално претставен.

Дали „iPhone SE 4“ пристигнува следната недела?

Познатиот „Bloomberg“ новинар Марк Гурман првично најави дека „iPhone SE 4“ ќе биде објавен оваа недела, но подоцна ја помести својата прогноза за следната недела.

Бидејќи неговите информации често се точни, љубителите на „Apple“ можат да очекуваат овој пристапен „iPhone“ веќе следната недела.

Очекувани спецификации за „iPhone SE 4“

Според досегашните гласини, „iPhone SE 4“ ќе донесе големи промени во дизајнот, слични на „iPhone 14“.

- Ќе го задржи карактеристичниот засек на екранот

- Ќе има 6,1-инчен дисплеј без „Home“ копче

- Поддршка за „Face ID“

- Нов „action“ тастер, но без копче за контрола на камерата

За да ги поддржи „Apple Intelligence“ функциите, новиот „iPhone SE 4“ ќе биде опремен со „A18“ чип и 8 GB RAM, како и првиот „Apple“ 5G модем-чип.

Главната камера и натаму ќе биде со една леќа, но надградена на 48 MP.

Цена и достапност

Се очекува цената да биде околу 500 долари, што е малку повеќе во однос на „iPhone SE 3“, кој во моментов е достапен за околу 465 долари.

„Apple“ заедницата сега со огромна возбуда го очекува официјалното претставување на моделот, кое, според сите информации, е многу блиску.