Во натпревар во кој тешко може да се издвои било кое индивидуално издание од играч на Реал Мадрид, навивачите на клубот имаа доволно причини да бидат бесни на своите миленици, но сепак едно име посебно се издвои кога се во прашање натписите на социјалните мрежи.
Орелијан Чуамени доби убедливо најслаба оценка и од аналитичарите на големото „Ел Класико“ дерби, па Французинот многу брзо се претвори во предмет за испратени остри критики, но и потценувачки пораки.
Фановите на „кралскиот клуб“ ја искористија последната објава на Французинот од Суперкупот кој се одржа во Џеда, а иако не стануваше збор за слика од финалето, истата им послужи да го истурат сиот гнев за неговото лошо издание.
Чуамени принудно игра на позицијата централен дефанзивец и очигледно е дека не му оди баш најдобро, улога која му беше доделена од Карло Анчелоти и која сега направи да биде на мета на навивачите.
– Те молам оди си од Реал….. Не си достоен за дресот на Реал….. Ако го сакаш Реал, мораш да си заминеш….. Касемиро беше сто пати подобар од тебе….. Те молам повлечи се од фудбалот…… Само оди си од Реал….., – се дел од пораките кои ги доби Французинот.
