Мирка и Роџер Федерер ги добија близначките Мила Роуз и Шарлин Рива во 2009 година, набргу откако се венчаа, а славниот Швајцарец тогаш изјави: „Ова е најдобриот ден во нашите животи“. Уште еден таков ден следеше во 2014 година кога се родија нивните синови близнаци Лео и Лени. Наследниците на славниот пар ги видовме на тениските трибини додека нивниот татко се натпреваруваше со колегите тенисери, додека родителските методи на брачниот пар Федерер им се допаднале на многумина.
Во 2018 година, во интервју за „Tennis Channel“, за време на турнирот во Индијан Велс, Роџер Федерер раскажал како неговите ќерки заработуваат џепарлак. Мила и Шарлин продавале лимонада пред нивната семејна куќа во Швајцарија.
„Да, да, за нив е забавно, а исто така е убаво да се знае дека парите не паѓаат од небо. Пред некој ден заработија дури седумдесет долари“, се пофалил гордиот татко Роџер Федерер и додал: „Во текот на денот се забавуваат на базенот што го имаме во изнајмената куќа, ми ги гледаат натпреварите, а подоцна одат да продаваат лимонада“.
Да потенцираме, богатството на овој познат тенисер се проценува на 550 милиони долари. Многумина ги пофалија Мирка Федерер и Роџер Федерер дека нивните деца стекнуваат работни навики уште од мали нозе и тоа што нивните родители ги учат на вистинските вредности.
Мила и Шарлин денес имаат 15 години и изгледаат како клонови на нивните родители. Генетиката прекрасно се поделила во случајот со познатите наследнички. Како идентични близначки, тие претходно биле речиси физички идентични, а како што растат, разликите на тоа поле меѓу нив стануваат се позабележителни. Едната близначка е пресликана мајка си, додека другата повеќе наликува на познатиот татко.
Сигурно е дека Мирка и нејзиниот сопруг применуваат слични методи во воспитувањето на своите синови. Легендарниот швајцарски тенисер им е пример на своите деца за посветената хуманитарна работа, а со години им помага на загрозените деца во Африка, од каде што е неговата мајка Линет Федерер, додека неговиот татко Роберт Федерер е роден во Швајцарија.
