Дедо Мраз ја започна својата традиционална божиќна авантура, патувајќи од својот дом на Северниот пол за да им доставува подароци на децата ширум светот. Како и секоја година, "NORAD" ја следи неговата рута во реално време, овозможувајќи ви да видите каде е во моментов.
Овој конкретен проект трае со децении и користи најнова технологија за да биде што е можно попрецизен.
"NORAD", американско-канадската агенција за надзор на воздушниот простор, го следи Дедо Мраз од 1958 година. Пред тоа оваа задача ја извршуваше организацијата Континентална команда за воздушна одбрана. Картата на "NORAD" постојано се ажурира, а можете да ја следите преку официјалната веб-страница или на нивните социјални мрежи, вклучувајќи ги "Facebook", "Instagram", "X" и "YouTube".
Како работи тракерот на "NORAD"?
"NORAD" користи радар и сателити за да го следи летот на Дедо Мраз, применувајќи ги истите технологии што ги користи за заштита на северноамериканскиот воздушен простор. Нивниот радар, познат како Северноамерикански систем за предупредување, вклучува 47 точки за набљудување низ Канада и Алјаска. Од моментот кога Дедо Мраз го напушта Северниот Пол, сателитите на "NORAD" го следат неговиот пат користејќи топлински сигнали од неговиот ирвас.
Кога Дедо Мраз ќе пристигне до вашата куќа?
Иако мапата на "NORAD" точно ја следи локацијата на Дедо Мраз, неговото пристигнување во одредено домаќинство останува мистерија. Според информациите, Дедо Мраз најчесто пристигнува помеѓу 21 часот и полноќ, но само кога децата веќе спијат. Анализата на "NORAD" не дозволува да се предвиди точното време на пристигнување, бидејќи Дедо Мраз сам одлучува за својата рута.
Алтернатива: "Google Santa Tracker"
Покрај тракерот "NORAD", можете да го користите и "Google Santa Tracker" на "santatracker.google.com". Оваа алатка нуди слични функционалности, но доаѓа со дополнителна интерактивна содржина и игри, што ја прави интересна за целото семејство.
