Откако нè збуни со промените во номенклатурата на моторната изведба со замена на кубикажата на моторот со неговата моќност, "Audi" го промени и односот на моќност во самиот редослед на моделот. Моделите кои сè уште се напојуваат со фосилни горива добиваат чудни имиња. Поточно, наследниците, па "А4" станува "А5", а "А6" доаѓа наскоро како "А7".
"Audi А5" веќе го запознавме, но малкумина забележаа дека веќе не е седан, туку т.н. спортбек. Како "Octavia", која доби и петта врата, односно задната врата со интегрирано стакло. Но, не и во Кина, каде штотуку беше претставен "A5L".
Да, Кинезите сакаат класични седани, па многу европски производители продолжуваат да ги продаваат своите седани таму. И најчесто проширени варијанти. "Audi" на тој начин одлучи да го претстави наследникот на моделот "A4L" и соодветно го нарече "A5L". И има класичен капак на багажникот со уште покласичен облик на седан со три волумени.
И да, за разлика од новопретставениот бренд "8AUDI" со истото име, овој го задржува логото со четири прстени. "A5L" е долг 4.902 mm, односно е 73 mm подолг од нашиот европски "A5". Бидејќи меѓуосовинското растојание е зголемено за 65 mm, јасно е дека понудата на простор во кабината ќе биде подобра, особено на задната клупа.
Да речеме и дека првиот поголем модел во Кина не е "A6", ниту "A7", туку седанот "A7L".
