Со само неколку состојки можете да го подготвите вашиот, домашен кикиритки путер, кој ќе го збогати секој оброк, и ќе биде одличен додаток на секое смути.

Состојки:

6 шолји печени кикиритки

¼ шолја мед

¼ шолја кокосово масло или друго растително масло

Подготовка:

Кикиритките ставете ги во блендер и мелете ги додека не станат ситни, потоа во блендерот додадете го медот. Продолжете да ја матите смесата додека кикиритките не се соединат со медот и додека смесата не стане мазна и кремаста, а потоа додадете го кокосовото масло. Доколку е смесата премногу густа, слободно додадете уште кокосово масло.

Кога ќе добиете компактна и кремаста смеса, префрлете ја во тегла и некој друг сад за складирање.

Путерот од кикиритки со мед може да се чува и до четири недели, под услов да стои на ладно и суво место, а во замрзнувач може да стои и до шест месеци.