Помина една година откако "Mazda" за прв пат го претстави добро прифатениот "Iconic SP Concept", прекрасно ретро-футуристичко купе со електричен мотор и ротирачки бензински мотор кој го зголемува опсегот.

По неколкумесечни шпекулации и гласини, конечно имаме официјална потврда: Oва не е само уште еден блескав концепт осуден на заборав, тој всушност преминува во производство.

Масаши Накајама, главниот дизајнер на "Mazda", ја потврди веста.

„Овој концепт не е само едно од возилата на саемското шоу составено само за презентација на саемот за автомобили. Тој е дизајниран со намера да се претвори во сериски модел во блиска иднина“, рече тој.

Ова е првпат "Mazda" официјално да објави сериско производство на купето "Iconic SP".

Првото навестување дојде за време на дебито на концептот на саемот Japan Mobility Show , каде што претседателот и извршен директор на "Mazda" Масахиро Моро го опиша автомобилот како симбол на посветеност кон иднината.

Подоцна, во едно интервју, Накајама навести дека "Iconic SP" е проект што би сакал да го види на патиштата, што дополнително го разгорува ентузијазмот кај фановите на "Mazda".

Сега, со потврдено производство, таа визија е чекор поблиску до реалноста.

"Iconic SP" во својата финална верзија би можел да еволуира во наследник на легендарните спортски автомобили "RX-7" "RX-8", иако "Mazda" навести дека исто така може да се намали до големината на роудстерот "MX-5".

Идеално, сериската верзија би ги задржала чистите и заводливи линии на концептот, како и препознатливите фарови.

„Кога стоите до автомобилот, треба да можете да замислите каков мотор има под хаубата. Толку вложивме во дизајнирањето на овој концептен автомобил. Колку повеќе време поминувате гледајќи го, толку повеќе открива“, вели Наохито Сага, извршен директор во Одделот за планирање на стратегијата за истражување и развој на "Mazda".

„Во текот на процесот на развој, сè, од положбата на вратите и гумите до должината на возилото, положбата на совозачките седишта и видливоста, беше вредно истражено пред да се утврдат конечните спецификации“, додава тој.

„Тоа навистина покажува колку сакавме да создадеме автомобил што ќе ја манифестира посветеноста на "Mazda" за иднината, особено во однос на одржливоста и идната улога на нашата ротациона технологија.

Ротирачки мотор како продолжувач на досегот

Иако "Mazda" допрва треба да сподели детали за тоа како ќе се напојува сериската верзија, во срцето на концептот "Iconic SP" е компактен ротационен мотор со два ротори, поврзан со електричен погонски систем.

Во концептниот автомобил, овој систем произведува комбинирана моќност од 370 коњски сили (272 kW).

Компанијата тврди дека продолжувачот на опсегот може да се приспособи да користи какво било јаглеродно неутрално гориво, потенцијално намалувајќи ги емисиите до 90 проценти.