Научници пронашле стари јавни видеа од 60-тите на кои шимпанза во заробеништво го кажуваат зборот „мама“, што укажува на тоа дека нашите најблиски живи роднини можеби имаат нервна предиспозиција да зборуваат.
Експертите со децении претпоставувале дека само луѓето можат да формираат значајни покомплицирани звуци. Но, когнитивниот научник Аксел Екстром од Кралскиот институт за технологија во Шведска и неговите колеги веруваат дека овој заклучок е заснован на лажни премиси.
Научниците проучувале стари снимки и пронашле две неповрзани шимпанза од различни континенти кои го кажуваат зборот „мама“, на кој наводно нивните негуватели ги научиле. Зборот „мама“ е можеби еден од првите во човечкиот говор. Имено, звукот „м“ е многу чест на човечките јазици и често е еден од првите звуци на човечко бебе.
Заедно со резултатите од претходната студија во која Екстром анализирал аудиоснимка од 60-тите на трето шимпанзо што ги кажува зборовите „papa“ (тато) и „cup“ (чаша), наодите покажуваат дека шимпанзата се способни намерно да повторат барем некои зборови, пишува Science Alert.
Ова значи дека нашиот невролошки аудио-вокален систем, кој исто така еволуирал независно кај птиците песнопојки, може да биде многу постар отколку што се мислеше. Нашата лоза на примати последен пат имала заеднички предок со шимпанзата пред милиони години.
Иако шимпанзата обично претпочитаат гестови отколку звуци кога комуницираат едни со други, тие сепак користат различни вокализации. Покрај тоа, нивниот јазик заснован на гестови е структуриран исто како и нашиот вокален јазик. Гибоните исто така се познати по тоа што произведуваат повеќе од 20 различни звуци со различни значења.
Кога научниците спровеле експерименти врз мајмуни пред околу 50 години и ги истражувале нивните вокализации, тие ги држеле животните во неприродни услови и изолирани, поради што немале увид во вистинските способности на приматите.
„Големите мајмуни можат да произведат човечки зборови. Научниците, а не животните се виновни за тоа што не го знаевме ова пред половина век“, заклучил Екстром.
Истражувањето Chimpanzee utterances refute purported missing links for novel vocalizations and syllabic speech беше објавено во списанието Scientific Reports.
