Така, речиси на нашиот праг е сезоната на зимници, а како и секоја година и оваа сите сме во потрага за најдобрите рецепти за највкусниот џем.

Овој пат се одлучивме за старите добри сливи! Сè што треба да направите е добро да го исчистите овошјето, па сите расипани и нездрави плодови да ги фрлите. Измијте го и исчистите од семките, па ставете го во тенџере и додајте шеќер.

Почнете да готвите на умерена температура, бидејќи само така овошјето ќе пушти сок, а шеќерот полека ќе почне да се топи. Мешајте додека шеќерот и овошјето убаво не се соединат и оставете да се крчка. Мешајте од време на време, да не се залепи за дното на садот во кој ќе готвите.

Значи, овој метод е испробан и стар од памтивек. Знаеме дека е непогрешливо добар, но тоа не нè спречува да пробаме нешто малку поинакво.

Ви го пренесуваме рецептот за џем од сливи со црно чоколадо.

Потребно

• 5 килограми нелупени, исчистени од семки и мелени;

• 1 кг Шеќер;

• 200 грама чоколадо за готвење.

Подготовка

Сливите варете ги прво на силен оган, па на средна температура без вода и шеќер. Внимавајте да не изгори. Кога џемот малку ќе се згусне, додајте шеќер и продолжете со варењето додека мешате и на крајот додадете од чоколадото.

Мешајте додека не се стопи.

Уживајте!