Секој почеток на август е многу важен за оние кои веруваат во астрологијата, нумерологијата, моќта на манифестирање и законот за привлекување, бидејќи на осмиот ден, или 8 август, се појавува со полна сила - Лавовска капија.

Што е Лавовска капија?

Овој енергетско-нумеролошки портал наводно се отвора кога ќе се формира нумеролошката серија 8-8, односно на осмиот ден од осмиот месец во годината и се смета за отворен од 28 јули до 12 август, со тоа што моќта на Лавовска капија е најизразена на 8 август.

По 12 август порталот се затвора, но неговото влијание уште се чувствува, велат астролозите и нумеролозите.

Лавовската капија всушност се однесува на годишното порамнување помеѓу Сонцето и Сириус, најсветлата ѕвезда на ноќното небо, позната и како α Canis Majoris, сместена во соѕвездието Големо куче.

Што носи Лавовска капија 8.8?

Овој астролошки-нумеролошки портал ја зајакнува интуицијата на припадниците на повеќето хороскопски знаци, а енергетските вибрации ќе бидат високи, па би можеле да доживееме ослободување на преостанати и негативни емоции.

Се очекува зајакнување на креативноста, како и воспоставување хармонија.

Рејчел Ставис, авторка на бестселерот „Сестра на темнината: Хроники на модерниот егзорцист“, изјави за NY Post дека е важно да се „почитува, изрази и интегрира“ периодот на Лавовска капија за да се искористи максимумот од неа.

„Од другата страна на порталот Лавовска капија се соништата кои се остваруваат, се менуваат и растат во позитивна насока, а сите влегуваме во сопствената моќ - но само ако се занимаваме со нешто што сме го избегнувале: самите себе“, истакнува таа.

Како да манифестирате за време на Лавовска капија?

Рејчел Ставис објаснува дека ако сакаме да ги искористиме придобивките од овој портал, треба да се соочиме со сопствениот мрак.

„Постојат два главни духовни аспекти на нас: нашата светлина и нашата темнина. Многумина активно ја избегнуваат својата темнина, ја игнорираат, го потиснуваат или го заобиколуваат тој дел од себе. Тоа им штети затоа што не можеме да одиме напред – ниту во изобилство – ако не го видиме, разбереме и интегрираме целото наше битие“, нагласува таа.

Таа дала и неколку совети за манифестирање во периодот на порталот Лавовска капија.

„Запишете сè негативно што некогаш сте мислеле или кажале за себе. Знам дека е тешко! Но, тоа е основата неопходна за вистинска промена. Погледнете ги сите тие лаги! Запрашајте се - ако навистина имав моќ над себе, што всушност би мислел/а?“, вели Ставис.

Оваа вежба, посочува, е уште понеопходна затоа што се наоѓаме во средината на ретроградниот Меркур, при што се преиспитуваме и се анализираме, истражувајќи ги приказните што нè ограничуваат.

„Многу духовни гуруа ги научија луѓето дека гневот е ‘ниска фреквенција’ и дека темнината мора да се промени. Но, тоа не е вистина, вели Ставис.

„Нашиот гнев често нè принудува да исчекориме, да проговориме и да стекнеме моќ. Сето ова е всушност висока фреквенција!“, вели таа и додава дека треба да најдеме место каде што ќе се чувствуваме слободни и сигурни и да ги ослободиме емоциите.

„Врескајте додека не останете без глас и конечно ќе ги забележите чувствата што се кријат под тој гнев“, советува таа.

Таа советува и да се држите подалеку од луѓе кои имаат ниски фреквенции и ја нарушуваат енергијата.

Ослободувањето не е лесна работа, а Ставис нагласува дека признавањето и комуникацијата со сопствената темнина може да биде важен дел од таа работа.

Некои од овие аспекти на вашата личност ве заштитиле, ви помогнале и ве утешиле во минатото, дури и ако тоа се променило сега.