Поранешниот претседател Доналд Трамп беше отстранет од бината само неколку минути по неговиот митинг во Пенсилванија во саботата, откако се слушнаа силни звуци што звучеа како истрели.
По истрелите кои се слушнаа за време на митингот, Трамп посегна со десната рака кон вратот. Се забележа крв на неговото лице.
Обезбедувањето се собра околу него, а тој за кратко време стана и ја подигна раката, упатувајќи знак дека е добар.
Американската тајната служба вели дека Трамп е безбеден и под заштитни мерки. Портпаролот рече дека Трамп е „добро“ и го нарече инцидентот како „гнасен чин“, но деталите за тоа што точно се случило остануваат нејасни.
Портпаролот на Доналд Трамп, Стивен Чеунг, рече дека поранешниот претседател „е добро“.
‼ Истрели на митинг во Пенсилванија, Трамп со крв на лицето
‼ Повеќе информации на линкот...
Posted by Radio Slobodna Evropa na Makedonski on Saturday, July 13, 2024
„Претседателот Трамп им се заблагодарува на органите на редот и на првите што реагираат за нивната брза акција за време на овој грозоморен чин. Тој е добро и е на преглед во локалната медицинска установа. Повеќе детали ќе следат“, се вели во соопштението на Чеунг.
Белата куќа соопшти дека претседателот Џо Бајден добил „почетен брифинг“ за инцидентот на митингот на Трамп.
Илон Маск објави на X – социјалната платформа што ја поседува – видео од Трамп опкружен со неговите безбедносни детали, додавајќи: „Целосно го поддржувам претседателот Трамп и се надевам на негово брзо закрепнување“.
