Затоа, терапевтката и мајка на три деца, Керол Ким, ги сподели петте најважни работи кои децата често ги паметат од детството.

1. Квалитетно време поминато заедно

Одвојувањето време со децата е многу важно. „Играњето игри, читањето книги или едноставно зборувањето може да создаде силни среќни спомени. Овие моменти им покажуваат на вашите деца дека сте присутни и дека тие се сакани и ценети. Ова може да ја зголеми нивната самодоверба“, истакнува Ким во неодамнешната објава на Инстаграм.

2. Зборови на охрабрување

"Охрабрувачките зборови можат да имаат огромно влијание врз децата, и во добри и во тешки моменти. Децата често бараат одобрување од нивните родители, а вашите позитивни зборови можат да бидат моќен мотиватор и извор на утеха. Покрај тоа, тие можат да им помогнат на децата да веруваат во себе, да ги прифатат новите предизвици и да продолжат кога работите стануваат тешки. Тие им помагаат да изградат отпорност“, објаснува терапевтот.

3. Семејни традиции

Традициите можат да создадат чувство на стабилност и заедништво кај децата. „Традициите, како што се празничните прослави, рутините за викенд или годишните патувања, обезбедуваат структура и нешто на кое децата се навикнуваат и со кое ги зајакнуваат семејните врски“, вели Ким.

4. Добри дела

Терапевтот објаснува: „Гледањето и правењето добри дела остава силен впечаток врз децата. Тоа им покажува колку е важно да се биде љубезен и грижлив. Тие се сеќаваат колку е добро чувството да им се помага на другите и да се види како им помагаат и нивните родители. Со правење на добри дела им помагате на децата да ги разберат туѓите чувства.“

5. Удобност и утеха во тешки времиња

Поддршката на децата кога се болни, исплашени или вознемирени е многу важна бидејќи токму тогаш им е најпотребна. Присуството на родителите во овие моменти остава траен белег врз децата.

„Како родители, нашите зборови и постапки можат да остават емоционални лузни на нашите деца, дури и кога одредени настани исчезнуваат од сеќавањето. Чувството дека се сакани и поддржани им помага на децата да развијат самодоверба, издржливост, доверба и чувство на припадност. Нашата љубов и поддршка стануваат нивни внатрешен глас, влијаејќи на нивните избори и постапки во текот на нивниот понатамошен живот“, заклучи Ким.