[ВИДЕО] Снег ја забели Македонија во април

Точка

21/04/2024

13:33

9.216

Големина на фонт

а а а

Иако е втора половина од април, пролет, дебарскиот регион се забели од снегот што врне. Снег врне и на превалецот Стража, како и на повеќе други повисоки места.

Засега снегот не создава проблем во одвивањето на патниот сообраќај. Сепак, се препорачува внимателно возење поради влажните коловози.

Од АМСМ информираат дека сообраќајот на државните патишта се одвива непречено, пo влажни коловози. Во западниот дел од државата, на повисоките места се бележат врнежи од снег, но засега не претставуваат пречка за одвивање на сообраќај.

„Нашите екипи се подготвени доколку има потреба да интервенираат. Имаме доволно абразивен материјал, сол и песок и нема никаков проблем“, вели Деар Лиманоски, раководител на дебарската секција на ЈП за одржување на регионални и магистрални .

Под надлежност на дебарската секција се делницата Дебар-Жировница, на патот кон Маврово, Дебар-Глобочица, кон Струга, патот Мелнички Мост-Центар Жупа, кракот од Бошков мост кон селата од Мала Река, како и патот кон граничниот премин „Блато” или во должина од околу 120 километри.




Спонзорирани линкови

Маркетинг