Се прави брзо и лесно, со само пет состојки и за пет минути, барем без оној дел каде што нетрпеливо чекаме да се испече. Нема простор за грешка, па затоа пробајте ги овие чоколадни браунис коцки уште денес.

Потребно

3 јајца;

1 чаша шеќер;

300 гр темно чоколадо;

2 лажици путер;

1 чаша брашно.

Подготовка

Јајцата и шеќерот убаво изматете ги со миксер или жица за матење.

Во друг сад растопете ја чоколадата со две лажици путер, па растопената смеса додадете ја во смесата од јајца и шеќер. Сè убаво соединете и додадете брашно.

Матете додека не добиете мазна, компактна смеса. Истурете ја во плех обложен со хартија за печење и печете на 175 степени околу 25 минути во загреана рерна.

Уживајте!