Швајцарија со закон ќе пропише како родителите треба да ги одгледуваат децата
Сојузниот совет на Швајцарија планира да направи дополнителен чекор во борбата против насилство врз децата. Швајцарската влада сака експлицитно да го зацврсти принципот за ненасилно растење на децата во швајцарскиот закон.
Покрај шлаканица и други физички казни, ова ќе се однесува и на психичко злоставување.
Сојузниот совет објавил дека е отворен процес за консултација за измените и дополнувањата на граѓанскиот закон. Целта е да се зајакне процесот на превенција.
Моментално насилството врз децата не е дозволено во семејството од страна на родителите. Децата се заштитени од страна на кривичниот закон. Минатата година, парламентарниот предлог наложи на советот да го вметне „Ненасилно родителство“ како член од законот.
Како што се наведува во соопштението за јавноста, новата одредба експлицитно им кажува на родителите како мораат да го одгледуваат детето, а тоа е „без употреба на физичко казнување и други облици на понижување“. Тоа е водечки принцип и испраќа јасна порака дека насилството нема да се толерира. Процесот на консултација ќе трае до 23 ноември 2023 година.
