Облините во прв план: Џорџина Родригез во светкави детали од глава до пети ги привлече погледите во Кан
Џорџина Родригез веќе неколку години наназад е гостинка на Филмскиот фестивал во Кан, а вчера се појави на премиерата на француската драма „L'Été dernier“ во креација на тунискиот дизајнер Али Каруи, која ги нагласила нејзините облини.
Шпанската инфлуенсерка пристигнала во хотелот „Martinez“ во виолетов фустан кој ја следел нејзината линија на телото, а за формалното појавување на самиот фестивал избрала малку поелегантно издание.
Партнерката на Кристијано Роналдо носела златен светкав фустан кој бил украсен со стотици светкави детали, кој ги нагласил нејзините препознатливи облини. Косата ја собрала во реп, а изгледот го надополнила со блескави обетки и неколку нараквици.
За „amfAR“ галата избрала црн миди фустан кој исто така бил украсен со светкави детали. Црниот коктел фустан со отворени рамена имал шлиц до бедрата, а истиот е со потпис на веќе споменатиот дизајнер Али Каруи. Џорџина го усогласила фустанот со црни „Le Silla“ салонки со висока потпетица.
Ова издание, таа го надополнила со дијамантски ѓердан со виолетов скапоцен камен, како и дијамантски прстен и нараквица од брендот „Chopard“.
Ова не е првпат Родригез да соработува со Каруи. Во јануари, на доделувањето на наградите „Joy Awards“ во Саудиска Арабија, инфлуенсерката носеше син фустан со качулка и долги ракавици дизајниран од страна на Каруи.
