По неколку неуспешни обиди, НАСА на 16-ти ноември ја лансирала својата нова мегаракета од Кејп Карнивал на Флорида на Месечината. Службениците на НАСА велат дека тимовите на мисијата Артемис 1 се воодушевени од однесувањето на вселенското летало Орион кон лунарната орбита и се воодушевени од снимките од вселената.
Вселенската сонда Орион набрзо пристигнала до Земјината орбита, а потоа 87 минути по лансирањето извршила таканаречена транслунарна инјекција за да тргне кон Месечината.
Десет дена по лансирањето, леталото Орион влегло во лунарната орбита.
Директорот за лет во вселенскиот центар Џонсон, Џад Фрилинг, рекол дека членовите на тимот на мисијата Орион е воодушевен од однесувањето на леталото и додал дека контролорите на летот се воодушевени од фотографиите кои пристигнале од леталото.
Why the Moon? There is still much to explore, and the focus for #Artemis is the lunar south pole. The region’s unique characteristics hold promise for scientific discoveries that could help us in venturing farther into the solar system.
— NASA_SLS (@NASA_SLS) November 27, 2022
LEARN MORE >> https://t.co/SwZTyzSSF0 pic.twitter.com/U30U1esIG2
„Што се однесува до самите контролори на лет, тие се апсолутно шокирани од одличните видео-запаиси кои можат да ги добијат од вселенското летало Орион“, рекол Фрилинг. „Плус, знаете, тие се среќни што сета напорна работа и посветеност во текот на многу, многу години, навистина се исплати“.
Менаџерот на програмата Орион, Хауард Ху, изјавил дека тимот видел навистина добри перформанси на леталото и дека се многу задоволни.
„Денеска беше одличен ден“, додал Ху. „Доаѓаме секој ден и не делува како работа. Едноставно е фантастично. Сакам да ги слушам информациите кои доаѓаат од вселенското летало, да учам за вселенското летало и да бидам возбуден поради тоа што го работиме. И тоа е едноставно одлично. Јас секој ден имам голема насмевка на лицето“.
Менаџерот на мисијата Артемис 1, Мајк Сарафиин, на брифингот на тимот изјавил дека лансирната платформа „39B“ во вселенскиот центар Кенеди претрпела голема штета во текот на лансирањето на вселенското летало. Иако големата штета била очекувана, и натаму имало значајни оштетувања на зградата. „Системот за лифтови моментално не работи“, рекол Сарафин. „Имавме најмоќна ракета на светот и притисокот практично ги оддува вратите на нашите лифтови“.