Алесандра Амбросио во еден ден покажа два совршени стајлинзи: Манекенката во одлични еднобојни комбинации на Модната недела во Милано

Кармин

22/09/2022

15:50

3.068

Големина на фонт

а а а

Некогашната манекенка на Викторија Сикрет, Алесандра Амбросио, редовно ги привлекува погледите со своите инспиративни модни комбинации.

Бразилката била фотографирана на улиците во Милано, а во двете прилики носела дури два беспрекорни стајлинзи.

Убавата Алесандра се појавила на Модната недела во Милано и не ја пропуштила приликата да го покаже својот моден стил и вкус за мода. Она што е интересно кога станува збор за нејзините стајлинзи е фактот што и во двете прилики носела еднобојни комбинации.

Амбросио најпрвин се појавила во бела кошула и лелеави бели панталони, а нејзината витка фигура ја нагласила панделката која ѝ била врзана околу струкот. Ваквата комбинација ја заокружила со очила за сонце и бела чанта која совршено се вклопила во целиот изглед.


За вечерниот аутфит манекенката се одлучила за розова комбинација од глава до пети – розова широка кошула, светкаво мини здолниште и розови високи потпетици, а од модни додатоци носела само мала розова чанта која била за неколку нијанси посветла од облеката.



Спонзорирани линкови

Маркетинг

назад до tocka.com.mk